Vitoria-Gasteizko Urkide Ikastetxeko Legokide 1 taldeak irabazi du Euskadi-Donostiako FIRST LEGO League lehiaketaren 13. edizioa.

Innobasque 2. saria Donostiako Axular Lizeoko Overclock taldearentzat izan da.

First Lego League Euskadi-Donostiako 2 talde irabazleek apirilaren 2an hartuko dute parte Espainiako finalean, Malagako Torremolinosen. Han azalduko dituzte haien berrikuntza proiektuak eta haien robotak Houstoneko (Estatu Batuak) munduko finalerako pasea lortzeko lehiatuko dira apirilaren 23an eta 24an.

Donostia izan da, hirugarren urtez jarraian, euskal egoitzetako bat, eta 226 ikasle baino gehiago hartu ditu, Challenge kategoriako (10-16 urte) 17 taldetan eta Explore kategoriako 15 taldetan banatuta. Parte-hartzaileek beraien proiektuak aurkeztu zituzten FIRST LEGO Leagueko koantolatzailea de Donostiako Sustapenak Tecnun Unibertsitatean antolatutako txapelketan.

Babesleek eta boluntarioen neurriz kanpoko laguntzari esker, 32 taldeek aurtengo erronkari, Cargo Connect, bilatutako irtenbide berritzaileak aurkeztu zituzten: “Gizadiak beti sinestu du garraioaren berrikuntzan pertsonak eta ondasunak mundu osoan zehar garraiatzeko. Gaur egun, gizarte orokor gisa, gure bizi-kalitatea hobetzen jarraitzen dugu ondasun eta zerbitzuen entrega bizkorrago, seguruago eta eraginkorragoarekin, eta arakatze eta aurkitzeko bide hobeekin.

Edizio hau garraioan zentratuko da, eta gizadiak aurrean dituen erronka orokorrak eta aurrerakuntza teknologikoak aztertuko dira, gure gizarteari etorkizuna irauliko duten irtenbide kreatiboak eraikitzea eskatzen baitio.”

Euskadi mailan, Lehen Hezkuntzako eta Bigarren Hezkuntzako ia mila ikaslek euskal hiru egoitzetan hartu dute parte FLL Euskadi ez-ohiko batean, zeina ikuslerik gabe eta burbuila taldeetan egin den bigarren urtez jende pilaketak saihesteko eta neurri sozio-sanitarioak betetzen direla bermatzeko. Epaimahaiko kideek azken hileotan zehar diseinatu dituzten errobotak eta berrikuntza proiektuak ebaluatu eta baloratu dituzte. Balioak dira lehiaketan puntuatzen duten hirugarren zutabea: gazteek aurkikuntza, berrikuntza, inpaktua, barneratzea, lankidetza eta dibertsioa trasmititu behar dituzte beraien jarrerarekin.

Sari Banaketa

Martxoaren 17an, Donostiako Udaletxeko Udalbatza Aretoan, FIRST LEGO League Euskadi - Donostia hezkuntza programaren aurtengo sari banaketa ospatu zen.

Donostia Sustapenak antolatu du jarduera, Innobasquerekin lankidetzan, eta hainbat enpresak eta erakundek babesten dute, horien artean Ekonomia Bultzatzeko Zinegotzigoak. Ildo horretan, Marisol Garmendia titularrak nabarmendu duenez, “ekimen honen bidez, gure hiriak txiki-txikitatik sustatzen ditu berrikuntza eta sormena. Epe luzera begira egiten den lana da, Donostia zientziaren eta berrikuntzaren alorreko hiri gisa kokatzeko gure estrategiari jarraituz. Eta bereziki kontuan harturik neskak, dagoeneko hasi baitira ingeniaritzara hurbiltzen jolas gisa, nahiz eta gure helburua izan etorkizuneko karrera bihurtzea haientzat ere. ”

Garaikur horiek hainbat kategoria saritzen dituzte, hala nola ingeniaritzako bikaintasuna, etorkizun oparodun gazteak, entrenatzailerik onena, robotaren portaera eta diseinua, berrikuntza edo First LEGO League balioak.

Hauek izan dira FLL Euskadi – Donostiaren edizio honetan saritutako taldeak:

FIRST LEGO LEAGUE EUSKADI- DONOSTIA- 2021-22 PALMARESA: 

FIRST LEGO League Euskadi – Donostia 2021 berriro bizi nahi baduzu ikusi hurrengo bideoa: 

Bideoa ikusi

Euskadin 35 erakundek lagundutako STEM Hezkuntzako programa

FIRST LEGO League Euskadi Berrikuntzaren Euskal Agentziak, Innobasquek, Deustuko Unibertsitatearekin, Donostia Sustapenarekin eta Mondragon Unibertsitatearekin batera eta Eusko Jaurlaritzako Hezkuntza Saila eta Arabako, Bizkaiko eta Gipuzkoako Foru Aldundiaen hezkuntza departamentuem laguntzarekin antolatutako hezkuntza programa da. STEAM Euskadi Hezkuntza Estrategiaren parte da; ikasleen jakintza zientifiko eta teknologikoen maila, emakumeena gehienbat, hobetzeko Eusko Jaurlaritzak zuzendutako estrategia.

Aurten 35 erakunde publikok eta pribatuk babestu dute proiektua: enpresak, unibertsitateak, zentro teknologikoak eta ikerketa zentroak, eta erakundeak. Haien gaitasunak elkartu dituzte helburu komun batekin: gazteen jakin-mina piztea zientzia eta teknologiarekiko.

Nazioarteko erakundeak mundu osoko 110 herrialdetan egiten diren 3700 lehiaketentzat aurten aukeratu duen desafioa salgaien garraioa izan da (Cargo connect), beraz, roboten proiektuak eta misioak gai horren inguruan izan dira

Aurtengo edizioaren laburpena ikusi nahi baduzu hau da zure bideoa

Bideoa ikusi

FIRST LEGO League Euskadi - Donostia 21/22 Edizio honetan, taldeek CargoConnect erronka tematikoari aurre egin behar izan zioten, eta merkantzien garraioa hobetzeko irtenbide berritzaileak proposatu behar izan dituzte Gehiago irakurri....	FIRST LEGO League Euskadi - Donostia 20/21 Ekainaren 3an, Donostiako Udaleko, Osoko Bilkura aretoan, FLL Euskadi Donostia Challenge finalean irabazle izan ziren taldeei oroigarria eman zitzaien.   Gehiago irakurri....	FIRST LEGO League Euskadi - Donostia 19/20 En esta edición, los equipos tuvieron que hacer frente al desafío temático City Shapers, donde propusieron soluciones innovadoras para facilitar la vida en las ciudades Gehiago irakurri...
Axular Lizeoko Overclock taldeak irabazi du lehenengo saria. Axular Lizeoko Overclock taldeak irabazi du lehenengo saria, First Lego League Euskadi-Donostia programaren 12. edizioan. Berrikuntza proiektuari emaniko ...  Gehiago irakurri....