Zer da Donostia WeekINN?

Berrikuntzaren Astea, Donostia WeekINN, Donostiako Sustapenaren ekimena da; aurtengoa 6. edizioa izango da, eta HELBURU hauek ditu:

  • SENTSIBILIZATZEA berrikuntzaren garrantziaren inguruan.
  • TREBATZEA ETA ezagutzak HURBILTZEA, partekatzea, ikastea,…
  • Berrikuntzarako orientazioa duten era guztietako agenteak ONARTZEA eta EZAGUTZERA EMATEA.

Esparru horretan, Sustapenaren nahia da BERRIKUNTZAREN aldeko apustua ezagutzera ematea eta sustatzea, eraldaketaren driver moduan, Donostia bezalako hiriari datxekion jarrera eta printzipio gisa, TALENTUAN oinarritutako eredua bultzatu nahirik. Puntu horretan, garrantzitsua da SOZIALIZATZEA eta herritarrengana hurbiltzea, ekosistema ikustera ematea eta KONEXIOAK sortzea hizkuntza eta formatu berriak erabilita.

 

Nork sustatzen du?

Berrikuntzaren aldeko apustua egitea funtsezkoa da Donostiako Sustapenarentzat, duela ehun urte baino gehiago eratu zenetik, eraldaketa sozialaren eta ekonomikoaren motore gisa.

Apustu horretan, honako hauek alderdi kritikoak dira: ezagutza, talentua, ekintzaileak eta enpresa berritzaileak eta lankidetza bultzatzea Donostia bezalako ekosistema aberats eta askotarikoan, duen eskala kontuan hartuta.

Berrikuntzaren Astea, Donostia WeekINN, honako hauekin batera antolatu dugu enpresa berritzaileak, zentro teknologikoak eta ikerketa-zentroak, unibertsitateak eta ikastetxeak nahiz zinemarekin, argazkigintzarekin, gastronomiarekin, zientziarekin eta kirolarekin loturiko bestelako erakundeak.

 

Norentzat da?

Berrikuntzaren Astearen 6. edizioa honako hauentzat da:

  • Herritarrak, gure hirian enpresa eta proiektu berritzaileen, gure ikerketa-zentro eta zentro teknologikoen nahiz arlo ezberdinetako beste erakundeen bitartez garatzen den berrikuntza osoa gerturatzeko helburuarekin.

Aurten, gainera, familiei zuzendutako asteburuko programazio berezia dugu.

  • Enpresak eta profesionalak, ideia berritzaile berriak emateko eta haien artean elkarreragiteko foroak sortzeko helburuarekin.

  • Ikastetxeak (eskolak, lanbide-heziketako zentroak eta unibertsitateak), gure talentu gazteenarekin lantze aldera berrikuntzaren eta bestelako zeharkako trebetasunen inguruko gaitasunak entrenatzeak duen garrantzia, eta gure enpresa-ekosistema berritzailera gerturatzeko eta I+G+b agenteak eta aurrean ditugun erronkak eta teknologia berriak ezagutzeko asmoarekin.